SLIK KAN EI HANDLELISTE til ein og same butikk sjå ut i våre dagar. Før var det dei gamle kjøpmennene som hadde eit slikt «assorteret» utval. Der kunne du handle både motorsag, brudekjole og skulebollar.
– No money, seier vi.
– No problem, svarar dama.
Dette skjer i vinterferien, langt unna nullføre og vedfyring. Nærare bestemt i Thailand.
For ein hobbymaterialist som meg er det liksom noko magisk med alt som er gratis. Stort sett er rett nok gratistinga slikt som eg ikkje treng. Men det er ikkje dei logiske evnene mine som vert tekne i bruk når eg høyrer ord som «hurtigsvarspremie», «velkomstpakke» og «gratis prøveabonnement».
